منو عنده قطوة بالبيت
صارلي فترة احن على ريلي ابي قطوة مع اني اخااف بس ما ادري ودي بقطوة
ريلي مو راضي يقولي شي يمشي بالبيت ما نبي تبين طير اخذلج بس قطوة لأ
ما ابي طير بس قتله اذا بتشتريلي اخذلي كاسكوو يونس وامي بعد توها ماخذتلها واحد وشوقتني
بس هم ابي قطوة بس المشكله برعايتها
احسها مهمه صعبه
ما ادري في احد منكم عنده قطوة ؟
ابي اعرف شلون اهتم فيها من اكل وتنظيف ورعايه يعني صعبه الشغله ولا سهالات ؟
عاد امس قعدت احن ابي قطوة وابي قطوة قامت بنتي تحن معاي ابي قطوة وشوي وتبجي عاد عقب قتلها تعرفين شنو يعني قطوة قعدت فكرت فكرت جان تقوول بيييييرد(يعني طير)
قتلها لا والله الي يشوفج تناقزين وتبين قطوة اخر شي عبالج طييير
بما انها نهاية الاسبوع
وتلبيه لطلب الاخت
vancouver
هذا احلى شربت من حلا شربت
RSS Feed (xml)
7 comments:
مساء الخير على هل الخير
:)
لا عاد
قطوة
وتعب التربية
وتعالي نطفي
لا ما انصح
انا الي ذابحني قطوة الجيران الي لوعة جبدي
كل يوم داشة حديقتنا بدون احم ولا دستور
علشان تفرغ الي في بطنها
والقعدة في الحديقة صايرة مستحيله
لا تطاق
هذا رايي
وراي زوجي
ان هذي روح
وتحتاج تديرين بالج عليها
ومحاسبين يوم القيامة عنها
لان بنتي كانت تحن تبي قطوة او ارنب
------------------
اما الشربت يا بنات شربت
يسرسح على الجبد
بارد
:)
شكرا
مادري ليش انا اخاف من القطاوه
من قبل جم سنه قلت حق ابوي بشتري جلب وانا خاف منه اخر شي ماشريت ولا افكر اشتري حيوانات لانه اخاف منهم
@@
قطوووووه
ترا بغيت اصك الباب و انحاش
بس قلت اخوفج منها شوي :P
لا من صج ما احبهم قطيعه و اخااااف منهم كانت عند اختي قطوه بيضا بنظرهم ما في احلى منها و رعايه و اهتمام بس املج اخليهم يدخلونها البيت و مرات لنمت يدخلونها و الله قبل اطلع من غرفتي ابحث و اتحرى لا الاقيها بويهي عذاااااااب ينقال لها تلعب و اهي كل يوم شامخه احد فيهم لما وصيت سايقنا ياخذها و يقطها بمكان بعيد و لا عاد ردت الحمدلله عاد الحين ممنوع لو شنو ما اخليهم ايبون لها بجت شوي و نست
ويا قلبي على بنوتج الله يحفظها
يبي لها بيرد اهوووون من الكااات
:)))
الشربت اللي بالصورة حده يشوق
:)
بالنسبة للقطوة ما انصحج لأن لازم وااايد تكونون دقيقين في نظافتها لأن ممكن تسبب مرض جرثومة القطط اللي يتسبب في الاجهاض
و ممكن تسبب شغلات ثانية بعد
اذا تبين تعرفين اكثر دشي على هالرابط:
http://www.asharqalawsat.com/details.asp?section=15&article=319478&issueno=9767
انا رايي تاخذين كاسكو افضل
من انج تاخذين قطوة لأن ما يسبب امراض
احنا عندنا واحد
الكاسكو يونس لأن يسولف و يقلد لكن فيه شغلة مهمة حطيها في بالج
مرات لما تنفتح شهيته على القرقة روسكم راح تصدع و مرات تكونين محتاجة الهدوء و ماتقدرين بسببه
و اذا دقرتيه ممكن تحوشه حالة نفسية
:P
عاد انتي اختاري
و سوري على القرقة الزايدة
انا ابي قطوه و اهلي ما يحبون الحيوانات:(
اللي اعرفه ان تربيه القطوه بس بالبدايه صعبه
بعدين تاخذ عليهم و على المكان و بيتها و اغراضها
Manal ..
صح كلامج يبيلها عنايه
بس تونس ودي اني اربي قطوة
شكلي لما ارجع الديره بييبلي وحده
وقطوة الجيران ليش ما تكلمون جيرانكم عنها لان اعتقد انها مريضه
بالعافيه
الشربت ترى انا الي مسويته :)
نورتينا
**
المباركية ..
انا اخاف بعد من الحيوانات والجلب بعد بزود
حياك
**
قلب طفله ..
هههه
امبييه لا طلعت حدج خوافه
انا مثلج اخاف بس ودي اجرب يمكن هالخوف يروح شوي
شكلي بييب بيييرد
نورتي البلوق
*
حلا شربت
Tru Th ..
ترى انا الي مسويته لا يطوفج
مو هذي المشكله ان يبيله عنايه ومتابعه وانا ساعات يحوشني كسل مو طبيعي
مشكورة على السايت
شكلي بغير رايي واخذ طيير
لا قرقه ولا شوي بالعكس استفدنا منج
حياج
**
malak ..
اييه يبيلها شغل ليمن تتعودين عالوضع
منورة
*
حلا شربت
Post a Comment