Sunday, August 9, 2009

مشروع ما بعد التخرج


مساء الخير . بعد طول غياب يايتكم ومعاي موضوع ابي اخذ رايكم فيه طبعا بعد تخرجي صار مخي فاضي و لان مخي مافيه معادلات وارقام ما استحمل فحب يسويلي مفاجأة فقالي يا هلا شرايج تسوين بزنس .قتله بزنس!!!! قالي ايي بزنس .... منو فيكم ما عنده بدل سهرة مو عارف شسوي فيهم كل وحدة منا على الاقل تمر عليها حفلتين في السنة ومن نسمع باسم حفلة يضيق خلقنا . لان لازم انروح السوق وندور ملابس . والسوق وما ادراك ما السوق ؟؟ المهم الوحدة فينا تدفع ذاك المبلغ ويا عالم تلبسة مرة ثانية ولا لأ وعقبها تظل البدلة بالكبت ماخذه مكان . فأنا ابي اساعدكم واخذ ملابسكم واعرضها عندي للايجار و بجذيه فضيت لكم الكبت و ساعدتكم على انكم اتحصلون مبلغ بدال ما تنركن بالكبت وما راح تنلبس وتتحسفين تتبرعين فيها بعد . و نفس الشي حق بدل العرايس هي لبسة وحدة وبعدين ؟؟؟ فشرايكم بفكرتي انا بفتح محل و بحط موظفين بس عشان اخدمكم وتكونون مرتاحين فما عليكم الا تيوبون لي بدلكم وانا اعرضهم و بالاخير يوصلكم مبلغ من التأجير ....... شرايكم ابي تفاعلكم معاي . شلون الفكرة واذا سويتها عندكم استعداد تأجرون بدلكم عندي ؟؟؟؟
هلا شربت

8 comments:

joe said...

شلون راح تستفيدين انتي ماديا ؟
لو بعد تضيفين شغله ثانيه غير الاجار يفضل

يعطيج الف عافيه

بنات عبدالغني شربت said...

شكرا على التعليق و بالنسبة للسؤال انا راح اخذ نسبة من قيمة الايجار بالاضافة لوجود فساتين سهرة جديدة من تصميم مصمم لبناني راح تكون للبيع

رورو الشخبوطه said...

موفقه يارب..

AmnOoh83 said...

والله فكرة حلوة

عاد أنا يا كثر ملابس السهرة اللي عندي و عند خواتي

امي حاطة كبت بس حق هدوم السهرة

المشروع بديتي فيه ؟؟
و شلون إذا أبي اعطيج الملابس اللي عندي ؟؟

Om MoD said...

عجبتني الفكرة وايد ..

وانا مفكرة من زمان ااجر اللي عندي بس وين وشلون ...؟؟؟؟

بس دامج بتبدين بالمشروع بييب اللي عندي ..

وبعدين شلون يعني اتبرع فيهم ..

؟؟

وشلون نحدد المبلغ
؟؟

وغيره احس عندي جم سؤال ..؟؟؟

ابحث said...

شكرا جزيلا على هذة المقالة الجميلة

بحث الويب said...

شكرا على مجهودك الرائع

إلى متى ؟ said...

أولا الفكره واايد حلوه
و عجبتني وايد
بس شلون أحصلج علشان أعطيج النفنوف