هالكورس ماخذه مادة عند دكتور تركي والله لا يقول الواحد ياخذ عنده مرة ثانية بس شنسوي هذا الموجود وهالدكتور من كثر ما محاضرته غثيثة بين الشرح يعني بنص الوقت يقول صار وقت البريك منو عنده موضوع وطبعا هالموضوع يكون خارج المنهج عشان يلطف الجو فأول موضوع كان عن شلون نتصرف بالمواقف الصعبة والمرة الثانية سألنا عندكم موضوع تحبون تناقشونه فقالتله وحدة التدخين جان يتبوسم ويقول انا مادري ليش شايفين التدخين مشكلة في شغلات ثانية تضر أكثر بالصحة مثل السكر والسمنة وقال انا ما ادخن ولا اقولكم دخنوا واذا الواحد دخن 10 سيجارات باليوم عادي ماراح يموت ( اي نعم ماراح يموت بنفس الحزة ب بعد جم سنة بدقه الأمراض وبياكلها) وقال ان البيبسي مضر أكثر من التدخين يعني بط راسنا واهو يحاول يقنع فينا واذا أحد أفحمه بشي يطنش فيه ويكمل نظريته العجيبة انا معاه ان فيه أشياء ثانية تضر بالصحة بس مو معناته انه التدخين زين وما يضر وايد ويالنا الكلاس الي عقب وقال ادري اني ما اقنعت أحد فيكم بس تخيلو انكم قاعدين تشوفون تلفزيون وكان فيه بعوضة عضت الفيل ومات انتو راح تحقدون على هالبعوضة المسكينة بس انتو ما تدرون ان قبل لا يصير هالشي كان في ثعبان عض الفيل قبل البعوضه واهوا الي تسبب ابموته يالله لف راسي بهالمثال يعني ببين لنا ان لازم نشوف المشكلة الاكبر بعدين الأصغر فالأصغر ويالنا يوم وقال انه في ناس تقدر تاكل قلاصات وحديد وهالسوالف ويوم قالنا ان المفروض نجاوب على كل سؤال بنعم وصدمني بشغلة الا وهي ان محد راح القمر!! عاد صج هالحجي اهوا قالنا جم شي اقنعني بس ليلحين أحس ماني قادرة اقتنع 100% فاذا فيكم احد عنده دليل على هالشي بليز يقولي وانتظروا سوالف الحجي مهمت الجديدة انشالله بالاسابيع اليايه
غلا شربت
2 comments:
صباح معطر برائحة الزيزفون...
صراحة الله يعينكم على دكتور من هالنوعية احسه غثيث و بعدين على قولتك صح في اشياء مضرة اكثر من التدخين بس ما ننسى ان التدخين تهلكة..
و على قولة المثل ( ما اخس من قديد الا عسفان) يعني كلها مضرة
بس سبحان الله الي يحب التدحين يحاول يفكر لنفسه اي مبرر.
عموما زيارتي الأولى لمدونتكم الحلوة
الله يخليكم لبعض
واتمنى تكون زيارة خفيفة على قلوبكم
:)
صباح الورد
ياغثي لدكتور اللي ما يقنعج و لبغيتي تقولين السبب و توضحين يحقرج بهاللحظه انقهرررررر و اندقر يعني اللي يقوله صح لانه دكتور :s
و بالنسبة للقمر ان محد راح له سمعت انها صح قالنا هالمعلومه دكتور نسيت اسمه و قال لنا كذا دليل و لما انصدمنا قال تضنون بالستينات كان عندهم القدره انهم يوصلون القمر ليش الحين ما يعيدون الكره مع التقنيه الموجوده عندهم اهني شكيت ليش ما يروحون الحيييييييييييييين ؟!؟
Post a Comment