مساء الخير
باركولي اطلعت نتايج المواد والحمدلله المادة الي خايفة منها خذيت فيها- ب بس قاعدة اشاور عقلي اني اروح اكلم الدكتور يمكن يغيرها . اقترحت هذا الاقتراح على زوجي بس قالي ان احط عقلي براسي وما اكون دبور زن على خراب عشة يعني المقصد اني ارضى بالدرجة احسن من ان الدكتور يحطني براسة.
ولكن عندي مادة من غبائي لا عفوا من امانتي الزايدة انا الي يبته حق نفسي لان مادتي هذا هي اساسا تهيئ الواحد ان يكون جريئ ويوقف على المسرح ويتكلم عن موضوع بدون نوت وكوني انا استحي اطلع على المسرح جدام الحشد وامسك مكرفون ( اخاف احد يعجب بصوتي ) طلعت ( هو انا أقدر اقول لأ) وبعدها طلبت الدكتورة ان نعطي حق نفسنا الدرجة وانا عطيت حق نفسي- أ وهذا بالفعل الي عطتني ياه . بشنو تشيرون علي اساحل اي دكتور!!!
هلا شربت
RSS Feed (xml)
4 comments:
:)
مبروك
بس لا تروحين حق الدكتور
وقولي الحمد لله
:)
على البركة
ونصيحة منى لج روحى للدكتور
بعد الدرجة وخذيتيها ليش خايفة
على الاقل اتكونين سويتى اللى عليج
وبعدين ما اتقولين حسافة ليش ما كلمته
يلا تشجعى
وخل يسامحنى زوجج على انى بخالفه الراى
:)))
تحياتى لكم
اول شي الف مبروك
ثاني شي شاوري نفسج اذا تحسين انج تستحقين النتيجة اللي خذيتيها لا تروحين له و اذا تحسين انج تستاهلين نتيجة اعلى بناءا على مجهودج روحيله
يعني هذا الشي يبيله مصداقية بينج و بين ذاتج
و بالتوفيق
:)
انا المرة الوحيدة اللي رحت فيها لدكتور أكلمه طلع جليل حيا وقالي زووز طلعي برررررررره هههههههههه
سو ما أقدر أنصح بشي
مبروك عالعموم خوش درجات
:")
Post a Comment